FRAGGLE PDF Print E-mail

                                           

FRAGGLE

                                                   By Joan Andrea Hutchinson

An informal commercial importer (I.C.I.) or higgler, is distressed about the damage  to her box of goods by the airline.

Look how di airline mash up mi box a goodsMeck mi sinting dem dash outDem a go meck my monkey tan up eena my back yuh knowDem a go hear di lengt a fi mi mout  

 

Yuh know how much snow mi walk eena, eena mi crepe
So till mi foot dem stiff
A kill up myself fi meck sure say everybody
Kyan get a Christmas gift 
 
Mi buy electric blanket an winter boots
Ear muffin and winter coat
An mi buy di thick thick woolen winter scarf
Fi wrap up roun yuh throat 
 
Mi buy chestnuts fi roas roun di opin fire
An jack frost fi nip at yuh nose
Mi buy di holly an di ivy and snow like dirt
A hopes I does not froze 
 
Becaw mi is dreaming of a white Christmas
Wid nuff nuff farrin tings
Mi all buy santa claus an him reindeer
Yuh fi hear di sleighbell ring
 
An after mi kill out miself shop, customs a come
Further kill mi off wid tax 
But wuss, after mi write di big ‘Fraggle’ cross it
Di airline mash up mi box  
 
See it deh ‘F-R-A-G-G-L-E’ write in red
Wid di big big underline 
Dat mean when di ol rangutan dem see it pon di box
Dem suppose to teck dem time 
 
But no man, dem just a haul an pull an fling people tings
Like dem a dash out hog feed
What about di word ‘Fraggle’ dem doan understand
Is read dem kyannat read  
 
Now sake a dem an dem haganeering ways
All a mi sinting dem mash
It come een like mi box never have on noh seatbelt
And di plane get eena crash  
 
How oonoo expect Christmas fi  be nice
How pickini fi be jolly
What is Christmas widout a pink and white tea set
Or a blonde hair Barbie dolly  
 
Wuss if di lickle bway dem  noh get noh train set
An wi noh get fi shop
An put lace curtain an plastic flowers eena house
Is like say christmas flop
 
So mi sorry fi who did plan fi come a my stall 
Fi buy pretty tings fi go maggle
Christmas mash up dis year becaw somebody dunce
An never understand di word ‘Fraggle’                               


Bookmark us!
Del.icio.us! Google! Live! Facebook! Slashdot! Technorati! StumbleUpon! MySpace! Yahoo! Ask! Free Joomla PHP extensions, software, information and tutorials.
Comments
Add New Search
+/-
Write comment
Name:
Email:
 
Title:
UBBCode:
[b] [i] [u] [url] [quote] [code] [img] 
 
 
:angry::0:confused::cheer:B):evil::silly::dry::lol::kiss::D:pinch:
:(:shock::X:side::):P:unsure::woohoo::huh::whistle:;):s
:!::?::idea::arrow:
 
Please input the anti-spam code that you can read in the image.

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
< Prev   Next >

Chat-Bout.net (C)All Rights Reserved