Jamaican Proverbs Song PDF Print E-mail

CHORUS :

Jamaican proverbs wi haffie use dem, Dem meck di language sweet
One meaning pon di surface, and a whole heap underneat
Jamaican proverbs, wi haffi use dem,dem gi di language tongue and teet
One meaning pon di surface, and a whole heap underneat

Use proverbs a yard and out a door eena parliament and pon di street
Work dem een because a so dem meck di lingo sweet
When yuh doan know wah fi say dem meck yuh language stronger
Proverbs meck wi hold on  pon di culture lickle longer

Yuh noh go a man fireside yuh nah know how much firestick bwile him pot
A no same day leaf drop eena water it rot
Every day bucket go well one day di bottom a go drop out
Play wid puppy, puppy lick yuh mout

Dawg a sweat but long hair cover him
When bull old yuh teck plantain bark tie him
Dem trouble yuh teck kin teet kibba heart bun but
Yuh kyaan ketch kwaaku,  den yuh ketch him shut

(CHORUS)

 Jamaican proverbs wi haffie use dem, Dem meck di language sweet
One meaning pon di surface, and a whole heap underneat
Jamaican proverbs, wi haffi use dem,dem gi di language tongue and teet
One meaning pon di surface, and a whole heap underneat

 

A noh fi want a tongue meck cow noh talk, so shet yuh mout tight
For just like di cockroach yuh no business eena fowl fight
But true dem think a yuh dem call up yuh name
All fish nyam man, but shark one get di blame


Puss gawn rat teck house, but mi no business anyhow
Wi come fi drink milk, wi noh come fi count cow
Back noh know di value of ol shut till it tear
Tan tuddy, for chicken merry, hawk deh near

(CHORUS)

 

Jamaica Proverbs (song)

 

 



Bookmark us!
Del.icio.us! Google! Live! Facebook! Slashdot! Technorati! StumbleUpon! MySpace! Yahoo! Ask! Free Joomla PHP extensions, software, information and tutorials.
Comments
Add New Search
+/-
Write comment
Name:
Email:
 
Title:
UBBCode:
[b] [i] [u] [url] [quote] [code] [img] 
 
 
:angry::0:confused::cheer:B):evil::silly::dry::lol::kiss::D:pinch:
:(:shock::X:side::):P:unsure::woohoo::huh::whistle:;):s
:!::?::idea::arrow:
 
Please input the anti-spam code that you can read in the image.

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 
< Prev   Next >

Chat-Bout.net (C)All Rights Reserved